Богинохоныг хэрхэн ашиглах вэ

boginohon.com хаягаар орж «Google-ээр нэвтрэх» товчийг дарна.

Google бүртгэлээрээ нэвтэрнэ. Тусдаа нууц үг үүсгэх шаардлагагүй.

YouTube, Twitch эсвэл Kick дээрх бичлэгийнхээ холбоосыг хуулж, тэмдэглэсэн талбарт тавиад «Нэмэх» дарна.

Эсвэл компьютер, утсан дээрх файлаа «Файл оруулах» товчоор хуулна. Холбоосоор 5 цаг 30 минут хүртэлх бичлэг оруулах боломжтой.

YouTube Studio-оос бичлэг татах заавар

Бичлэг татагдаж байх үед явц нь хувиар харагдана. Урт бичлэг хэдэн минут болно.

Хуудсаа хааж болно. Бичлэг бэлэн болмогц имэйлээр мэдэгдэнэ.

Бэлэн болсон бичлэгээ нээхэд хуудасны дээд хэсэгт хоёр арга харагдана.

«Клип олох»: хиймэл оюун бүх бичлэгийг шинжилж, хамгийн сонирхолтой хэсгүүдийг олно. Бичлэгийн урттай тэнцүү минут хасагдана. Олон клип хэрэгтэй, эсвэл юу нь сонирхолтой болохыг хиймэл оюунд даатгах бол тохиромжтой.

«Өөрөө клип хийх»: сонирхолтой хэсгээ мэдэж байвал эхлэл, төгсгөлийг нь сонгоод шууд клип болгоно. Зөвхөн тэр хэсгийг бичвэр болгох тул маш хямд, яг хүссэн хэсгээ авна. Жишээ нь 3 цагийн бичлэгээс 1 минутын клип хийхэд 1 минут орчим л хасагдана.

«Хиймэл оюунаар олуулах» хэсгийн «Клип олох» товчийг дарна.

Товчийг дарахад хэдэн минут хасагдахыг харуулна. Хасагдах минут нь бичлэгийн урттай тэнцүү.

Хэдэн минут хасагдахыг шалгаад «Тийм, клип хай» дарна.

Нэг бичлэгийг нэг л удаа бичвэр болгодог тул дараа нь дахин хайхад минут хасагдахгүй.

Хиймэл оюун бичлэгийг бичвэр болгож, шинжлээд, хамгийн сонирхолтой хэсгүүдийг сонгоно. Явц нь хувиар харагдана.

Хуудсаа хааж болно. Клипүүд бэлэн болмогц имэйлээр мэдэгдэнэ.

«Өөрөө клип хийх» товчийг дарахад видеоны доорх цагийн шугам руу шилжинэ. Шугам дээр бичлэгийн зургууд, доор нь дууны түвшин харагдана.

Хулганы дугуйгаар томруулж (утсан дээр хоёр хуруугаар), дээд, доод гулсуулагчаар гүйлгэнэ. Шугам дээр дарж чирэхэд видео дагаж шилжинэ, Space товчоор тоглуулж, зогсооно. Хулганаа аваачихад тэр мөчийн зураг гарна. Өндөр ногоон зураас нь чанга дуу: хашгирах, инээх зэрэг сонирхолтой мөчүүд ихэвчлэн тэнд байдаг.

Шугам дээр дарахад видео тэр газраас тоглоно. Хүссэн мөчөө олмогц «Клип хийх» товчийг дарна. Цагийг нь мэдэж байвал доор нь шууд бичиж оруулж болно.

Клипийн уртыг 20-90 секундээр сонгоод, сонгосон мөч клипийн эхэнд, голд эсвэл төгсгөлд байхыг сонгоно.

Шар бариулыг чирж, эсвэл ◀ ▶ товчоор ирмэгийг 1 секундээр шилжүүлнэ. Видеоны доорх тоглуулагч зөвхөн сонгосон хэсгийг хамардаг тул нарийн гүйлгэж шалгана. Space товчоор тоглуулж, зогсооно.

Хэдэн минут хасагдахыг доор нь харуулна. «Хадмалтай клип болгох» дарахад клип хэдхэн минутад монгол хадмалтай бэлэн болно. Хуудсан дээрээ үлдэж дараагийн клипээ хийж болно.

Олдсон клип бүр гарчиг, эхний өгүүлбэр, хэр сонирхолтой болохыг харуулсан оноотой байна.

Клипийн зураг дээр дарж монгол хадмалтайгаар нь урьдчилан үзнэ.

Клипийн «Засах» товчийг дарвал засах хуудас нээгдэнэ. Энэ алхам заавал биш.

Хадмалын загвар, буруу бичигдсэн үг, лого, хүрээ, гарчиг, хөгжим, клипийн урт зэргийг өөрчилнө. Өөрчлөлт бүр автоматаар хадгалагдана.

Клипээ хэрхэн засах вэ

Бичлэгийн хуудас руугаа буцаад «Бүх клипийг экспортлох» товчийг дарна.

Экспорт хэдэн клипээс хэд нь бэлэн болсныг явцын мөр харуулна. Хуудсаа хааж болно.

Экспорт дуусмагц «Бүгдийг татах» товчоор бүх клипээ нэг ZIP файлаар татна.

Клип тус бүрийг «Видео (MP4)» товчоор тусад нь татаж болно. Одоо TikTok, Reels, Shorts-доо нийтлэхэд бэлэн.

Клип хайхад минут хэрэгтэй. Дээд талын «Цэнэглэх» товчоор багцаа сонгоод qPay-ээр төлнө.

Төлбөр төлөгдмөгц минут шууд нэмэгдэж, и-баримт имэйлээр ирнэ.